КАФОЛАТЛИ ХИЗМАТ КЎРСАТИШ

КАФОЛАТЛИ ХИЗМАТ КЎРСАТИШ

DIQQAT! Kafolatli xizmat koʻrsatish qoidalari toʻgʻrisidagi barcha ma’lumotlar axborot materiallari va Ommaviy Oferta hisoblanadi.

“NG SERVICE” MChJ servis markazi mijozlarga ACER, ASUS, CANON, EPSON, HP, LENOVO ва PANTUM ishlab chiqaruvchilari texnikasini kafolatli ta’mirlash va kafolat muddatidan so‘ng ta’mirlash bo‘yicha to‘liq majmui xizmatlarni taqdim etadi.

Agar Siz kafolat doirasida xizmat ko‘rsatishdan foydalansangiz, bu orqali Servis markaziga va Ishlab chiqaruvchilarga Sizning kafolatli xizmat ko‘rsatishdan foydalanganligingiz to‘g‘risidagi axborotni hamda Sizning aloqa bog‘lash ma’lumotlaringizni, shu jumladan ism-familiya, telefon raqamlari, pochta manzili va elektron pochta manzilini saqlash, ishlash va ulardan foydalanish uchun ruxsat berasiz. Ishlab chiqaruvchi ushbu ma’lumotlardan taalluqli kafolat bo‘yicha xizmat ko‘rsatishni amalga oshirish uchun foydalanishi mumkin. Servis markazimiz yoki Ishlab chiqaruvchi Sizdan kafolatli xizmat ko‘rsatishdan qoniqqanligingiz yoki qoniqmaganligingizni so‘rashi, Sizni mahsulotlar qaytarilib olinishi yoki xavfsizlik texnikasi bilan bog‘liq ayrim masalalar haqida xabardor qilishi mumkin. Ushbu maqsadda Siz o‘zingiz haqidagi axborotning Ishlab chiqaruvchilar ofislari faoliyat yuritayotgan istalgan mamlakatga uzatilishiga va ularning topshirig‘iga ko‘ra faoliyat yuritayotgan Taraflarga axborot taqdim etilishiga ruxsat berasiz.

Servis markazimizda barcha kafolatli ta’mirlash ishlari texnikani Ishlab chiqaruvchilarning talablariga va kafolat shartlariga to‘liq muvofiqlikda amalga oshiriladi. Biz o‘z ishimizda faqat bevosita Ishlab chiqaruvchilardan olingan asl ehtiyot qismlaridan foydalanamiz.

Mijozlar e’tiborini kafolat muddatida Servis markazi faqat texnikaning ish qobiliyatini tiklash bo‘yicha ishlar bajarilishini amalga oshirishiga qaratamiz.

Bepul kafolatli ta’mirlash Servis markazi tomonidan mahsulot zavod nuqsoni sababli nosoz deb e’tirof etilgan holatdagina amalga oshiriladi.

Ehtiyot qismlar yetkazib berish

Kafolatli ta’mirlash uchun zarur boʻlgan ehtiyot qismlarni Oʻzbekiston Respublikasiga yetkazib berish Ishlab chiqaruvchilarning oʻzlari yoki ularning vakolatlangan Sheriklari tomonidan amalga oshiriladi. Texnikani kafolatli ta’mirlashda yangi yoki foydalanish sifati va ishonchliligi jihatidan yangilaridan qolishmaydigan ishlatilgan ehtiyot qismlar qoʻllanilishi mumkini.

Muddati

Kafolatli uskunalar diagnostikasi o’rtacha 3 ish kuni ichida amalga oshiriladi. Suzuvchi nuqsonlar mavjud bo’lganda, uzoqroq muddat talab qilinishi mumkin.
O‘zbekiston Respublikasiga ehtiyot qismlarni yuklab jo‘natish va yetkazib berish muddatlari ham bevosita Ishlab chiqaruvchilar yoki ularning vakolatli Hamkorlari tomonidan belgilanadi. Shu tufayli, kafolatli xizmat ko‘rsatish va ta’mirlashning umumiy muddati uzoq vaqt talab qilishi mumkin hamda oldindan e’lon qilinishi yoki mijoz bilan oldindan kelishib olinishi mumkin emas. Odatda, Servis markazida ta’mirlash-tiklash ishlari Ishlab chiqaruvchi tomonidan omborimizga kerakli ehtiyot qismlari olingan kundan e’tiboran eng ko‘pi bilan 5 ish kunini tashkil etadi. O‘zbekiston Respublikasiga ehtiyot qismlarini yetkazib berish muddati, bojxona hujjatlarini rasmiylashtirish hisobga olingan holda, 2 haftadan 2 oygacha (kamdan-kam holatlarda) muddatni tashkil etadi. Bunda, mijoz Servis markazimizga texnika keltiriladigan vaqt uchun kafolat muddatini uzaytirishga haqlidir. Buning uchun biz tomonimizdan tayyor texnikani olish vaqtida berilgan Nuqsonlar dalolatnomasini va bajarilgan ishlarni Qabul qilish-topshirish dalolatnomasini saqlab qo‘yish yetarli bo‘ladi, ushbu dalolatnomalarda ta’mirlash-tiklash ishlari boshlangan va tugagan sana, shuningdek boshqa foydali ma’lumotlar aks ettiriladi.

Uskunalarni almashtirish

Kafolatli xizmat ko‘rsatish kafolat muddati davomida texnikaning bepul ta’mirlanishini nazarda tutadi. Ta’mirlashni amalga oshirish imkoniyati bo‘lmagan holatda, texnika yangi uskunaga almashtiriladi. Ayirboshlash Sotuvchi yoki Distrib’yutor tomonidan amalga oshiriladi. Sotuvchi/ Distrib’yutorda uskunani almashtirish uchun Servis markazi tomonidan Ishlab chiqaruvchi bilan kelishilgan va uning topshirig‘i bilan rasmiylashtirilgan Texnik xulosa dalolatnomasi beriladi. Birgina Nuqsonlar dalolatnomasi asosida, shuningdek detallarni yetkazib berish muddati uzaytirilgan holatda (masalan, Ishlab chiqaruvchi omborida detallar vaqtincha mavjud bo‘lmagan holatda) texnikani ayirboshlash amalga oshirilmaydi.

Nuqsonli qismlar

Ta’mirlash jarayonida almashtirilgan barcha nuqsonli detallar tegishli Ishlab chiqaruvchining mulki hisoblanadi. Har bir Ishlab chiqaruvchi oʻz mulkini oʻz xohishiga koʻra tasarruf etadi va, qoidaga koʻra, nuqsonli detallarni vakolatlangan Sherikka qaytarishni talab qiladi.

Nosoz detallar Mijozga ta’mirlangan uskunalar bilan birga berilmaydi.

Ehtiyot qismlar kelishidan oldin jihozlarni berish

Qoida koʻra, barcha Ishlab chiqaruvchilar buyurtma qilingan ehtiyot qismlar kelishidan oldin texnikani Mijozga qaytarishni taqiqlaydi. Biroq, Mijozning iltimosiga binoan, NG Service ehtiyot qismni kelguniga qadar texnikani Mijozning toʻliq javobgarligi ostida berishi mumkin. Bunda, mas’ul xodimlar Mijozga ehtiyot qismlar omborga kelganligi toʻgʻrisida xabar berganda, texnika NG Service ga qayta taqdim etilishi kerak. Xabar har qanday mavjud ma’lum qilish usullari (telefon, e-mail, Telegram, sms) orqali amalga oshiriladi.

Agar texnika ehtiyo qism kelganligi toʻgʻrisida xabarnoma olingan kundan boshlab maksimal 3 ish kuni ichida ta’mirlash uchun topshirilmasa, yangi ehtiyot qism Ishlab chiqaruvchiga bepul qayta buyurtma berish imkonisiz qaytariladi, ariza esa yopiladi.

Ta’mirlash uchun qaytarilgan texnika, dastlabki tashxisdan qat’i nazar, qayta tashxis qoʻyilishi kerak. Bunda, texnika toʻliq butlangan boʻlishi kerak.

Avtorizatsiyalangan Servis Markazi aniqlangan nuqsonlarning kafolatli xizmat koʻrsatish qoidalariga muvofiqligini qayta aniqlash huquqini oʻzida saqlab qoladi. Nuqson kafolat shartlariga mos kelmaganda esa ta’mirlashni rad etadi. Xuddi shunday qaror har qanday butlovchi qismlarning yetishmasligi, har qanday buzilishlar va/yoki foydalanish sharoitlari aniqlangan taqdirda qabul qilinadi.

Diqqat! NG Service da texnikani olish uchun Kvitansiyaning asl nusxasi mavjud boʻlishi majburiydir!

Kafolat shartlari

Texnikani xarid qilishda uning Sizning ishtirokingizda tekshirilishini va Kafolat taloni to‘ldirilishini talab qiling. Kafolat taloni taqdim etilmagan yoki u noto‘g‘ri to‘ldirilgan holatda, texnika sifati yuzasidan shikoyatlar qabul qilinmaydi va kafolatli ta’mirlash amalga oshirilmaydi.

Uskunani kafolatli ta’mirlash uchun qabul qilish, odatda, zavod o‘ram idishisiz va qo‘shimcha qismlarisiz amalga oshiriladi. Biroq, kam hollarda, Servis markazi yetishmaydigan detallar taqdim etilishini talab qilishi mumkin.

Diqqat!

Kafolat davrining boshlanishi Foydalanuvchiga texnika foydalanishga kiritilgan paytdan emas, balki texnika sotilgan paytdan e’tiboran belgilanadi!;

  • Dasturiy ta’minot, shu jumladan oldindan o‘rnatilgan dasturiy ta’minot yuzasidan kafolatli xizmat ko‘rsatilmaydi;

  • Ishlab chiqaruvchi tomonidan belgilangan cheklangan foydalanish muddatiga ega sarflanadigan materiallar va detallarga kafolat joriy qilinmaydi;

  • Kafolat majburiyatlari har qanday turdagi uskunaga xizmat ko’rsatishni (jumladan, bosma uskunaning siyoh bilan ta’minlash tizimini (nasos), BIOS proshivkasini to’ldirishni) va har qanday turdagi uskunaga profilaktik xizmat ko’rsatishni (shu jumladan tozalash, moylash, sozlash parametrlarini), shuningdek, foydalanuvchilarni o’qitishni o’z ichiga olmaydi. uskunadan foydalanish (foydalanish) qoidalariga.

  • Agar kafolat davri mobaynida texnikada uning tuzilishi mukammal emasligi, ishlab chiqarish malakasi yetishmovchiligi yoki materiallar sifatsizligi sababli nuqson aniqlansa, quyidagi shartlarga rioya etilgan holatda, ushbu nuqsonli uskunaning (yoki uning qismi yoxud qismlari) bepul kafolatli ta’mirlanishini kafolatlaymiz:

  • Kafolat taloni to‘g‘ri (tuzatishlarsiz!) to‘ldirilgan, mahsulotning seriya raqami, sotilgan sana, kafolat davri, tashkilot nomi qayd etilgan va aniq muhr bosilgan holatdagina kafolat haqiqiy bo‘ladi;

  • Bepul ta’mirlash Ishlab chiqaruvchi tomonidan belgilangan kafolat davri davomidagina amalga oshiriladi;

  • Mahsulotning seriya raqami va modeli Kafolat talonida qayd etilgan seriya raqami va modeliga muvofiq bo‘lishi kerak.

Kafolat quyidagi hollarda haqiqiy emas:

  • qurilma oʻz vazifasiga mos kelmaydigan maqsadlarda ishlatilganda;

  • nuqson (shu jumladan qurilma yuzalarining shikastlanishlari) qurilma iste’molchiga topshirilgandan soʻng paydo boʻlganda va xaridor tomonidan qurilmani notoʻgʻri va (yoki) beparvolik, notoʻgʻri tashish, xizmat koʻrsatish, ishlatish va (yoki) saqlash natijasida yuzaga kelganda;

  • qurilmada notoʻgʻri ishlatish sharoitlari (qisqa tutashuvlar, ortiqcha yuklamalar, mexanik, elektr va (yoki) issiqlik shikastlanishlari, yeyilib ketgan kontaktlar, yoriqlar, singan burchaklar, zarba va (yoki) mexanik ta’sir qilish izlari va h.k.lar) natijasida yuzaga keladigan nuqsonlar mavjud boʻlganida;

  • kafolat muhri, kafolat yopishqoq yorligʻi yoki qurilmaning seriya raqami olib tashlanganda, tuzatilganda, buzilganda yoki shikastlanganda;

  • nuqson qurilmani notoʻgʻri oʻrnatish, ulash va (yoki) sozlash, shu jumladan qurilmani ta’minot, telekommunikatsiya, kabel tarmoqlari va boshqa shunga oʻxshash tashqi omillar parametrlarining standartlariga mos kelmaydi quvvat manbalariga ulash natijasida yetkazilgan zarar natijasida yuzaga kelganda;

  • nuqson tashqi qurilmalarning notoʻgʻri ulanishi natijasida yuzaga kelganda, uning oqibatida butun qurilma yoki uning bir qismi ishlamay qoldi;

  • shikastlanishlar nostandart va (yoki) sifatsiz sarf materiallari, ashyolar, ehtiyot qismlar, ta’minot elementlar va (yoki) har xil turdagi axborot tashuvchilaridan foydalanish natijasida yuzaga kelganda;

  • tegishli Ishlab chiqaruvchi tomonidan vakolatlanmagan mutaxassislar tomonidan ta’mirlash izlari aniqlanganda va (yoki) qurilmani ruxsatsiz ochish izlari (kafolat muhrlarini buzish, kavsharlash izlari va h.k.lar) topilganda;

  • qurilma ichiga begona narsalar, moddalar, suyuqliklar va boshqalar tushishim natijasida yetkazilgan zarar aniqlanganda;

  • shikastlanish virus va (yoki) litsenziyasiz dasturiy ta’minot ta’siridan kelib chiqqanda;

  • nuqson yengib boʻlmas kuch ta’siri, baxtsiz hodisa, foydalanuvchi va (yoki) uchinchi shaxslarning qasddan va (yoki) ehtiyotsizlik harakatlari oqibaida paydo boʻlganda;

  • Operatsion tizim, BIOS, HDD, boshqa oldindan oʻrnatilgan dasturiy ta’minot uchun parol yoʻqolgan yoki unutilganda;

  • Ishlab chiqaruvchining aybisiz sodir boʻlgan boshqa hollarda.

Kafolat majburiyatlari quyidagilarga tarqalmaydi:

  • qurilma bilan birga kelishi mumkin boʻlgan qoʻshimcha jihozlarga (agar kafolat talonida oʻzgasi koʻrsatilmagan boʻlsa);

  • hujjatlarga va har xil turdagi axborot tashuvchilariga (drayverlarga ega disklar, xotira kartalari va h.k.lar);

  • birlashtiruvchi kabellar, oʻtkazgichlar, antennalar, mikrofonlar, quloqchinlar, ta’minot manbalari (batareyalar) va h.k.larga;

  • sovgʻa sifatida toʻplamda boʻlishi mumkin boʻlgan bepul qoʻshimcha uskunalar va aksessuarlarga (manipulyatorlar (sichqoncha), veb-kameralar, kompyuter oʻyinlari bilan disklar, jild va gʻiloflar, sumkalar, qoʻshimcha kabellar, adapterlar va h.k.larga).

  • Dasturiy ta’minotga, shu jumladan oldindan oʻrnatilganga;

  • Ishlab chiqaruvchi tomonidan belgilangan cheklangan foydalanish muddatiga ega boʻlgan materiallar va detallarga;

  • Kafolat majburiyatlariga servis ishlarini bajarish kirmaydi.
    Shu jumladan:

– bosib chiqarish texnikaning siyoh uzatish (haydash) tizimini toʻldirish,
– kompyuter texnikaning BIOS proshivka qilish,
– har qanday texnika turida profilaktik ishlar (tozalash, moylash, parametrlarni sozlash),
– shuningdek Foydalanuvchilarni uskunadan foydalanish (ishlatish) qoidalariga oʻqitish.

Muhim! 

Portativ kompyuterning mexanik, termik va elektr shikastlanishining oldini olish maqsadida, NG Service Avtorizatsiyalangan Servis Markazida foydalanish sharoitlariga qarab, yiliga kamida bir marta davriylik bilan muntazam texnik xizmat koʻrsatishni (sovutish tizimining changini yoʻq qilishni) amalga oshirishni tavsiya qilamiz. Sovutish tizimining ifloslanishi (chang bosishi) tufayli portativ kompyuterning ishlamay qolishi kafolatsiz holat deb tan olinadi va iste’molchi hisobidan yoʻq qilinishi kerak. Muntazam texnik xizmat koʻrsatish uskunaning yuqori ishlashini saqlashga yordam beradi, shuningdek uning haqiqiy ishlash muddatini oshiradi. Servis markaziga tashrif buyurishdan oldin qurilmangizda saqlanayotgan kerakli ma’lumotlarning zaxira nusxalarini qiling, na Ishlab chiqaruvchilar, na Avtorizatsiyalangan Servis Markazi ma’lumotlarni saqlash va yozish qurilmalarida, shu jumladan ta’mirlash jarayonida ma’lumotlarning yoʻqolishi bilan bogʻliq barcha yoʻqotishlar, zararlar va h.k.lar uchun javobgar boʻlmaydi.

Kafolatli xizmat ko’rsatilishidan foydalanishda xaridorning vazifalari

Kafolatli xizmat ko‘rsatilishiga ruxsat olish uchun Siz quyidagi harakatlarni bajarishingiz kerak:

  • Servis markazi tomonidan belgilangan xizmat ko‘rsatilishi uchun murojaat qilishga doir tartibotlarni bajarish;

  • mahsulotda saqlanayotgan barcha dasturlar va ma’lumotlarning zaxira nusxalari yaratish;

  • Servis markaziga barcha tizim kalitlari va parollarini taqdim etish;

  • Servis markaziga xizmat ko‘rsatilishini amalga oshirish uchun Sizning uskunangizdan yetarli darajada, erkin va xavfsiz tarzda foydalanish imkoniyatini taqdim etish;

  • uskunadan barcha ma’lumotlarni, shu jumladan maxfiy, egalik huquqlari bilan himoyalangan va shaxsiy ma’lumotlarni olib tashlash yoxud bunday ma’lumotlarni olib tashlash imkoniyati bo‘lmagan holatda, ularni uchinchi shaxslar tomonidan foydalanilishiga yo‘l qo‘yilmaydigan yoki ular tegishli qonunga muvofiq shaxsiy ma’lumotlar hisoblanmaydigan tarzda o‘zgartirish. Servis markazi qaytarilgan yoki kafolatli xizmat ko‘rsatish uchun taqdim etilgan uskuna xotirasida saqlanayotgan har qanday ma’lumotlar, shu jumladan maxfiy, egalik huquqlari bilan himoyalangan va shaxsiy ma’lumotlar yo‘qotilganligi yoki oshkor qilinganligi uchun javobgar bo‘lmaydi;

  • kafolatli xizmat ko‘rsatishga tegishli bo‘lmagan barcha tarkibiy qismlar, detallar, qo‘shimcha apparat vositalari, o‘zgartirilgan elementlar va biriktirilgan qurilmalarni olib tashlash;

  • ushbu mahsulot yoki detallarga nisbatan qonun bilan belgilangan ular almashtirilishiga to‘sqinlik qilishi mumkin bo‘lgan hech qanday cheklanishlar yo‘qligini tasdiqlash;

  • agar Siz mahsulot yoki detallar egasi bo‘lmasangiz, mahsulot egasidan Servis markazi tomonidan kafolatli xizmat ko‘rsatilishi uchun ruxsat olish.

Servis markazi nosozliklarni bartaraf etish uchun amalga oshiradigan harakatlar

Servis markaziga murojaat qilinganida, Siz nosozliklarni aniqlash va bartaraf etish yuzasidan belgilangan tartibotlar va yo‘riqnomalarga rioya etishingiz kerak.

Servis markazi nosozliklar sababini telefon, elektron pochta orqali yoki masofadan turib yordam berish vositasida aniqlashga va uni bartaraf etishga urinib ko‘radi. Sizdan muayyan dasturiy yangilanishlarni yuklab olish va o‘rnatish so‘ralishi mumkin.

Ayrim nosozliklarni foydalanuvchi tomonidan mustaqil ravishda o‘rnatiladigan tarkibiy qismlar yordamida bartaraf etish mumkin; bunday tarkibiy qismlar “foydalanuvchi kuchlari bilan almashtiriladigan uzellar” deb ataladi.

Agar nosozlikni telefon bo‘yicha konsul’tasiyalar, dasturiy vositalarni yangilash orqali yoki foydalanuvchi tomonidan mustaqil ravishda almashtiriladigan uzellarni o‘rnatish orqali bartaraf etish imkoni bo‘lmasa, Servis markazi nosoz mahsulot uchun kafolatlar turiga muvofiq xizmat ko‘rsatilishini tashkillashtiradi.

Agar Servis markazi biron-bir sabablarga ko‘ra mahsulotingizni ta’mirlay olmasa, u Ishlab chiqaruvchi bilan oldindan kelishuvga ko‘ra, Sotuvchi yoki

Distrib’yutorda yangi mahsulot olish uchun Texnik xulosa (yoki holat) dalolatnomasini tuzadi, xuddi shunday yoki funksional jihatdan ekvivalent mahsulotga almashtiradi.

Agar Servis markazi mahsulotingizni ta’mirlay olmasa yoki almashtirish imkoniyati bo‘lmasa, Sizning alohida huquqiy himoya vositangiz – mahsulotni xarid qilingan joyga qaytarishdan iborat.

DIQQAT! TEXNIKANI ISHLAB CHIQARUVCHILAR VA AVTORIZATSIYALANGAN SERVIS MARKAZI BOY BERILGAN FOYDA YOKI EHTIMOLIY TEJALISH, MAHSULOTNING BEKOR TURIB QOLISHI, MA‘LUMOTLAR YOKI DASTURIY TA‘MINOTLAR YO‘QOTILISHI, MUAYYAN MAHSULOTDA SAQLANGAN HAR QANDAY DASTUR YOKI MA‘LUMOTLARNING TIKLANISHI, DASTURLANISHI YOKI QAYTA ISHLAB CHIQARILISHI UCHUN XARAJATLAR YOXUD MAXSUS, TASODIFIY YOKI BILVOSITA ZARARLAR O‘RNINI TO‘LDIRMAYDILAR.

 

 

Кафолат жорий қилинмайдиган энг кенг тарқалган ҳолатлар рўйхати:

т/р Намоён бўлиши Хусусиятли жой Сабаби
1. Барча турдаги маҳсулотлар учун хос бўлган ҳолатлар:
1 Маҳсулот устига (маҳсулот ичига) суюқлик тўкилиб кетиши Маҳсулот ташқарисига ёки ичига суюқлик тўкилиб кетиши излари Маҳсулотдан фойдаланиш қоидаларининг бузилиши
2 Маҳсулот пломбалари, геометрияси ёки корпуси юзасининг дастлабки ҳолати бузилиши (корпусдаги буюмлар учун) Корпус деталлари бириктирилган жой (синиқлар, ёриқлар), маҳкамлагичнинг ейилиб кетган шлицлари Махсус асбоб-ускунасиз очиш (ёки очишга уриниш). Рухсатсиз очиш
3 Бошқарув органлари ва иш режимларини белгилаш бузилишлари Улаб-узгич ва созлаш ростлагичлари тугмалари, қурилмаларнинг иш режимларини белгилайдиган шикастланган джамперлар ва микро-алмашлаб улагичлар Механик таъсир (зарбалар, тушириб юборишлар) ва бошқа эътиборсизлик билан фойдаланиш
4 Серия рақамини аниқ идентификациялаш имконияти йўқлиги. Рақамлар, фирма стикерлари ўчирилиб кетиши, шикастланиши Завод лейблари ўрнатилган жойлар, фирма стикерлари ўрнатилган жойлар Механик, термик таъсир ва ҳ.к.

Рухсатсиз очиш
5 Маҳсулот корпусидаги синиқ жойлар, ёриқлар (корпусдаги буюмлар учун) Маҳсулот корпусининг бурчаклари, ғилофлар орқа қисми, корпуснинг қуйи қисми, таглик, нов, қопқоқ, найчани маҳкамлаш жойи. Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
6 Маҳсулотдаги электр-радио буюмлари, шунингдек ток узатувчи йўлакчаларнинг механик шикастланишлари Маҳсулотдан фойдаланиш қоидаларининг бузилиши.

Маҳсулотдан эътиборсизлик билан фойдаланиш. Тегишли равишда транспортировка қилмаслик, транспортировка қилиш вақтида ишончли ҳимоялайдиган ўрам идишининг йўқлиги
7 Электр-радио буюмлари, шунингдек ток узатувчи йўлакчаларнинг бевосита кўздан кечириш орқали аниқланадиган электр шикастланишлари Ўзаро боғлиқ бўлган қисмларнинг нотўғри ўрнатилиши, маҳсулотдан штатдан ташқари (ҳужжатлаштирилмаган) режимларда фойдаланиш
8 Штатдаги электр-радио буюмларининг ўз жойида йўқлиги, штатдан ташқари ўрнатилган электр-радио буюмларининг мавжудлиги. Пайвандлаш излари (олдин таъмирлашда бўлмаган маҳсулотлар учун) Маҳсулотдан фойдаланиш қоидаларининг бузилиши.

Мустақил равишда таъмирлашга уриниш
9 Маҳсулот ичида бегона нарсалар (скрепкалар, кнопкалар ва ҳ.к.) (вентиляция тирқишига ёки маҳсулот очилмаган ҳолда фойдаланувчи кириш каналларига эга маҳсулотлар учун) Маҳсулотдан фойдаланиш қоидаларининг бузилиши
10 Бириктирувчи кабеллар ажратгичларининг деформацияси, бириктирувчи кабелларнинг деформацияси ёки уларнинг бевосита кўздан кечириш орқали аниқланадиган шикастланиши Бириктирувчи кабеллар ва ажратгичлар Қўпол механик таъсир, ўрнатиш вақтида эътиборсизлик билан бириктириш, нуқсонлар
2. Алоҳидаги турдаги ускуналар учун хос бўлган ҳолатлар:
НОУТБУКЛАР
1 Маҳсулот устига (маҳсулот ичига) суюқлик тўкилиб кетиши Маҳсулот ташқарисига ёки ичига суюқлик тўкилиб кетиши излари Маҳсулотдан фойдаланиш қоидаларининг бузилиши
2 Маҳсулот корпусининг синиқ жойлари Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
3 Маҳсулот геометрияси ёки корпуси юзасининг дастлабки ҳолати бузилиши Махсус асбоб-ускунасиз очиш (ёки очишга уриниш). Рухсатсиз очиш
МОНИТОРЛАР
1 Матрица синган, юзасидаги ёриқлар ёки тирналишлар Маҳсулот юзаси, маҳсулотнинг ички қисми Механик таъсир (зарбалар, тушириб юборишлар ва ҳ.к.)
2 Тонировкаланган қопламанинг бузилиши Экран <Агрессив> суюқликнинг ташқи таъсири (экран яқинида аэрозол баллонларнинг пуркалиши).

Монитор экранини тозалаш учун мумкин бўлмаган техник суюқликлардан фойдаланиш
ПРИНТЕРЛАР
1 Тишли камар узилиши, шестернянинг кўзга кўринадиган узилиши (асосан, оқимли ва матрицали принтерлар учун) Эркин силжийдиган босмадан чиқарадиган каллак, принтер корпусидан чиқиб турадиган пластмасса ёки металл қисмлар, пластик парчалар Мустақил равишда таъмирлашга уриниш, тиқилиб қолган қоғозни эътиборсизлик билан олиб ташлаш, қоғоз узатиш механизмига бегона нарсалар тушиши
2 Картриджларда тешилиш излари Принтер картриджи Картриджни мустақил равишда сиёҳ билан тўлдириш
3 Барабан юзасидаги чизиқлар, қоғоздаги қорамтир чизиқлар (лазерли ва ёруғлик диодли принтерлар учун) Барабандаги кўндаланг чизиқлар Ташишда ёки сиёҳ билан тўлдиришда барабаннинг ёруғлик тушиб куйдириб қўйилиши, мувофиқ бўлмаган сифатли қоғоздан фойдаланиш, олинган нусхалар сони техник тавсифларга тўғри келмайди (ресурс ошириб юборилган)
4 Маҳсулот устига (маҳсулот ичига) сиёҳ тўкилиб кетиши.

Сочилган тонер

 Маҳсулот ташқарисига ёки ичига суюқлик тўкилиб кетиши излари. Куйинди ҳиди. Узатувчи ёки қабул қилувчи новлардаги механик ҳаракатланадиган деталларда тонер излари. Босмадан чиқаришда қоғознинг кирланиши Картриджни мустақил равишда сиёҳ билан тўлдиришга уриниш.

Маҳсулотдан фойдаланиш қоидаларининг бузилиши
СКАНЕРЛАР
1 Тишли камар узилиши, шестернянинг кўзга кўринадиган узилиши Эркин силжийдиган сканирлайдиган каллак, сканер корпусидан чиқиб турадиган пластмасса ёки металл қисмлар, уларнинг парчалари Механик таъсир (зарбалар ёки тушириб юборишлар ва ҳ.к.) натижасида юзага келади
2 Синган ёки тирналган ойна Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
НУСХА КЎЧИРИШ АППАРАТЛАРИ
1 Очиш ёки пластмассани пайвандлаш излари Картридж Картриджни такроран кўп марта сиёҳ билан тўлдириш ёки уни мустақил равишда таъмирлаш
2 Синган ёки тирналган ойна Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
3 Ишчи барабан юзаси, ундаги чизиқлар ва қоғоздаги қорамтир чизиқлар Барабандаги кўндаланг чизиқлар Ташишда ёки сиёҳ билан тўлдиришда барабаннинг ёруғлик тушиб куйдириб қўйилиши, мувофиқ бўлмаган сифатли қоғоздан фойдаланиш, нусхалар сони техник тавсифларга тўғри келмайди
БОШ ПЛАТАЛАР
1 Маҳсулот юзасидаги тирналишлар, эзилган жойлар, шу жумладан ток узатувчи йўлакчалар шикастланиши Корпусда маҳкамлаш жойлари ва платага радиаторни ўрнатиш жойлари, шунингдек ўзаро боғлиқ қисмларни ўрнатиш жойлари яқинидаги буюм юзаси Компьютерни эътиборсизлик билан йиғиш, монтаж қилишда фойдаланиладиган асбоб-ускуналар билан пала-партиш ишлаш
2 Плата юзасидаги электр-радио буюмлари, шунингдек ток узатувчи йўлакчаларнинг механик шикастланишлари Процессорни совутиш учун радиаторни кулер билан монтаж қилиш жойлари яқинида Штатдан ташқари радиаторни кулер билан ўрнатиш, пала-партиш ҳаракатлар
3 Ўрнатиладиган ажратгичлар ва слотларнинг бевосита кўздан кечириш орқали аниқланадиган механик шикастланишлари Ўрнатиладиган ажратгичлар ва слотларнинг бевосита кўздан кечириш орқали аниқланадиган механик шикастланишлари Қўпол механик таъсир
4 Вентиляторнинг кучли кирланиши Чипсетлардаги вентиляторлар Техник хизмат кўрсатиш ўз вақтида ўтказилмаслиги. Маҳсулотдан ушбу маҳсулот туркуми учун мўлжалланмаган шароитларда фойдаланиш
ПРОЦЕССОРЛАР
1 Кристалл юзасидаги синиқ жойлар, тирналишлар, ёриқлар Процессор кристаллининг юзаси Совутиш қурилмаларининг нотўғри ўрнатилиши, механик таъсир
2 Бир ёки бир неча контакт чиқиш қисмлари йўқлиги Процессорнинг контакт томони Механик таъсир, маҳсулотдан эътиборсизлик билан фойдаланиш
УЗАТМАЛАР
1 <Сурилма қулф> туридаги маҳкамлаш қисмлари жойларидаги кертиклар Маҳсулот корпуси, маҳсулот юзаси Мустақил равишда таъмирлашга уриниш
2 Корпус қисмларининг винтли бирикмалари шлицларида ёки уларнинг ёнида монтаж қилиш асбоб-ускунасининг излари Маҳсулот корпуси, маҳсулот юзаси Мустақил равишда таъмирлашга уриниш
3 Маҳсулот тузилишининг ўзгариши Маҳсулотнинг конструктив қисмлари, маҳсулотдаги турли моделлар қисмларининг бирикмаси Мустақил равишда таъмирлашга уриниш. Онгли равишда қалбакилаштириш
4 Бегона моддалар (суюқликлар, мойлаш моддалари, чанг, кирланиш) изларининг мавжудлиги Маҳсулот корпуси, маҳсулот юзаси Маҳсулотдан тегишли бўлмаган шароитларда фойдаланиш, эътиборсизлик билан фойдаланиш
5 Ички шикастланишлар.

Маҳсулот ичида дискнинг металл қуймаси (болванкаси) қолдиқлари

 Маҳсулот узатмаси Маҳсулотнинг ишдан чиқишига олиб келган узатмада СD-диски бузилиши
HDD
1 Контроллер ажратгичлари синиқ жойлари ва ёриқлари, букилган ток узатувчи чиқиш қисмлари Корпуснинг ён томони, бириктириладиган узели Шлейфнинг эҳтиётсизлик билан бириктирилиши-туташтирилиши, бошқа механик таъсир
2 Маҳкамлаш винтлари шлицларида тирналган жойлар, Ишлаб чиқарувчининг ҳимоя ёрлиқлари йўқлиги ва (ёки) уларни елимлаш изларининг йўқлиги, Ишлаб чиқарувчининг ҳимоялаш тасмалари ёки ёрлиқларининг шикастланиши HDD корпуси, контроллерни маҳкамлаш жойларидаги маҳсулот юзаси Рухсатсиз очилиши (герметикликнинг бузилиши) ва (ёки) таркибий қисмларнинг бошқа маҳсулотдан олинган шак-шубҳасиз носоз қисмларга алмаштириб қўйилиши, маҳсулотнинг эътиборсизлик билан монтаж қилиниши ёки транспортировка қилиниши
3 Маҳсулотнинг серия рақамларини ёки моделларини идентификацияловчи ёрлиқлар йўқлиги, шикастланиши ёки уларни елимлаш изларининг йўқлиги HDD корпуси Маҳсулотнинг эътиборсизлик билан монтаж қилиниши ёки онгли равишда қалбакилаштирилиши

 

Кафолатли талонларга мисоллар: